कोरियामा हेलोविन पार्टीमा भागदौड हुँदा १९ विदेशी सहित १५१ जनाको मृत्यु
Bizpatiदक्षिण कोरियाको राजधानी सिओलमा हेलोविन पार्टी मनाउने क्रममा भागदौड मच्चिदा १५१ जनाको मृत्यु भएको छ । मृत्यु हुनेमा १९ जना विदेशी नागरिक पनि रहेको अलजजिराले उल्लेख गरेको छ ।
मृत्यु हुने मध्ये अधिकांश महिला र २० देखि ३० वर्षका युवाहरु रहेका छन् । भागदौडमा ८२ जना घाइते भएको र ति मध्ये १९ जनाको अवस्था गम्भीर रहेको अलजजिरले जनाएको छ । तथ्यांक संकलन र उद्धारको काम जारी रहेकाले हताहती हुनेको संख्या बढ्न सक्ने अनुमान गरिएको अधिकारीहरुले बताएका छन् ।
घटना स्थानीय समय अनुसार राति १० बजे भएको बताईएको छ । मनोरन्जनात्मक कार्यको लागि चिनिने त्यहाँको ईटेवन जिल्लामा रहेको एक साँघुरो गल्लीमा हेलोविन मनाउन हजारौको भिड जम्मा भएको थियो । ह्यामिल्टन होटेल नजिकै भागदौड मच्चिएको हो ।
कोरोनाका कारण हेलोविनको कार्यक्रम ३ वर्षपछि भएको अलजजिराल उल्लेख गरेको छ । विगतमा हुने भन्दा ३ गुणा मानिस जम्मा भएकोले भिड अनियन्त्रित भई भागदौड मच्चिएको प्रत्यक्षदर्शीले बताएको अन्तराष्ट्रिय संचारमाध्यमहरुले उल्लेख गरेका छन् ।
from Bizpati.com https://ift.tt/BVN9g2b
0 Comments